Portas abertas do rugby en Arteixo co inicio dos adestramentos

O CD Zalaeta Rugby Arteixo inicia a actividade da nova tempada abrindo as súas portas para a actividade para os rapaces e rapazas dende os 4 anos. 

O clube, que leva competindo 16 anos ininterrumpidos no concello arteixán desenvolverá os seus adestramentos no campo de fútbol de Oseiro[1] os martes e xoves, contando cos seguintes horarios adaptados por categorías. 

• 18.30h | Escola de rugby municipal para nenas e nenos nados entre o 2013 e o 2020.
• 19h | Academia de rugby municipal para nenas e nenos nados entre o 2007 e o 2012.
• 20h | Equipo senior masculino, para homes maiores de 18 anos.

O arranque dos adestramentos inicia con xornadas de portas abertas durante todo o mes de setembro nas que calquera poderá achegarse a probar o rugby. Só precisará roupa e calzado deportivo e ganas de probar un deporte cheo de xogo e valores coma o compañeirismo e absoluto respecto a contrincantes e árbitros. 

O equipo senior masculino busca ademáis novos xogadores para preparar a seu arranque na Liga Galega de Rugby, non sendo indispensable ter experiencia nun deporte e nun clube con máis de 40 anos de competición ás súas costas.

Como colofón a este mes de arranque e con fin de gañar en visibilidade, o clube fará algún adestramento lúdico no parque a carón da Igrexa de Santiago os sábados, día de feirón, que rematarán cun terceiro tempo no local do clube[2] que inaugurou a principios de este ano.

O clube mantén comunicación constante a través da súas redes sociais [3]

___________________________________________________________________________

[1] Campo de fútbol de Oseiro | https://maps.app.goo.gl/61gZ8QntwosWydY88

[2] Local Social | https://maps.app.goo.gl/xNptqkpEheuST3h68

[3] Redes sociais

Instagram | https://www.instagram.com/zalaeta.rugby.arteixo/

Facebook | https://www.facebook.com/rugbyzalaeta/

Twitter | https://x.com/rugbyzalaeta