Crónica Barbanza RC – C.D. Zalaeta ATC Arteixo

Crónica Barbanza RC _ C.D. Zalaeta ATC Arteixo

 

 

23/02/2020_16:30

Árbitro: Salgado Vila, Juan Jose

Campo de Santa Lucía_Rianxo

Partido gris do cadro arteixán o disputado o pasado domingo na comarca do Barbanza. O CD Zalaeta chegaba ó seu último partido da liga regular con aspiracións de meterse na fase final polo título de liga, para iso tiña que lograr a victoria con punto bonus e así non depender de resultados de terceiros.

O partido comezou de cara para os verdibrancos, imprimindo o seu ritmo de xogo e mandando dende o minuto 3 no marcador. Na primeira parte, CD Zalaeta no soubo aproveitar a vantaxe de ter ata dous xogadores máis que o Barbanza RC, erro que pagaría caro. O cadro local soubo resistir nesta inferioridade e, a medida que as expulsións temporais remataban, ían chegando os puntos. Así, no final da primeira parte, o marcador reflectía un axustado 12-10.

 

 

O comezo da segunda parte parecía un reflexo da primeira, era o CD Zalaeta quen dominaba, mais esta vez os puntos chegaron para o cadro local. O xogo directo do equipo local, lanzando os seus dianteiros, logrou o seu obxectivo e así, logo de dous ensaios transformados dominaba o partido cun marcador momentáneo de 26-10.

Os rinos lograron recortar distancia cun ensaio transformado, ca firma dos dous irmáns Martínez Nicolás, pero toda posibilidade de remontada quedou nun desexo que non se alcanzaría. A punto de cumprir o tempo regulamentario, o cadro local conseguiu transformar un golpe de castigo, freando calquera opción de remontada.

Derrota dolorosa por 29-17, que apea os rinos dos postos que dan acceso á disputa polo título. Agora, ca liga regular rematada, toca recuperar efectivos e preparar o último partido da tempada no que se decidirá os postos do 9º o 10º clasificado. Neste caso, será contra Ourense B que finaliza a ligar regular de 10º posto, e como indica na planificación da tempada, tocaronos viaxar a terra das termas a disputalo o próximo 21 de marzo.

 

Próximo partido: