O femenino opta á terceira posición final na derradeira xornada de liga en Ourense

As rapazas de Roberto e Charlie xóganse as súas posibilidades de rematar na terceira posición final nesta derradeira xornada. O encontro, ante o colista Campus Ourense, disputarase este domingo ás 16.00h no Estadio Universitario da cidade das Burgas.

A consecución desta terceira plaza sería un culmen á magnífica tempada regular do equipo que comezou a competir en liga regular por vez primeira a tempada anterior. Ademáis esta praza daría certa vantaxe para facilitar o cruce na competición da Copa Xunta de Galicia. As 18 convocadas partirán este domingo ás 12.00h en autobús dende Transportes (estación de Autobuses fronte ó Corte Inglés)